Postuar: Janar 14, 2020 | 15:29
Nuk ka ballafaqim “ëndrrash” me Italinë, “të kaltrit” zgjedhin sfiduesin e fundit përpara EURO 2020
Federata Italiane e Futbollit i shuan shpresat palës shqiptare për mbajtjen e një takimi miqësor mes dy kombëtareve tona.
Drejtuesit italianë konfirmuan se sfida e fundit miqësore për 4-herë kampionët e botës do të jetë me Republikën Çeke në 4 qershor, ora 20:45 në stadiumin e Bolonjës “Renato Dall’Ara”.
Duke qenë se marrin pjesë në kampionatin europian të 2020, Italia e ka plotësuar tashmë axhendën e takimeve miqësore përpara nisjes së turneut. Kombëtarja italiane do të përballet me Anglinë (27 mars), Gjermaninë (31 mars), San Marinon (29 maj) dhe Republika Çeke (4 qershor).
Tashmë FSHF-ja duhet të gjejë një tjetër sfidues për Shqipërinë.
PANORAMASPORT.AL
NDIQE LIVE "PANORAMA TV"