Nuk e tremb Komisioni i Etikës, Skënderbeu shpenzon 50 mijë euro për fazën përgatitore
Tifozët bardhekuq mbeten ende nën “ethet” e vendimit të Komisionit të Etikës që do të thotë fjalën e vet më 8 qershor, kur ka caktuar mbledhjen e radhës. Por duket se te Skënderbeu dhe, mbi të gjitha, drejtuesit e klubit kanë marrë garancinë nga FSHF-ja se nuk do të ketë asnjë dënim për bardhekuqtë, qoftë me pezullim nga kampionati apo edhe ndonjë masë të lehtë ndëshkimore.
Një gjë e tillë të bën ta kuptosh edhe shpenzimet që po bëhen si në merkato, ashtu edhe në programimin e përgatitores që starton pikërisht nesër. Prej gati një jave bardhekuqtë kanë mbyllur gjithçka për fazën në Slloveni, ku rezervimet kanë shkuar më shumë se 50 mijë euro.
Kujtojmë që skuadra e Dajës do të qëndrojë tri javë në tokën sllovene. Sigurisht që një situatë e tillë kërkonte garanci më vete për të bërë të gjitha këto prenotime, të cilën bardhekuqtë e kanë marrë tashmë.
NDIQE LIVE "PANORAMA TV"