Klaudio Ranieri është shkarkuar zyrtarisht nga posti i trajnerit të Uatford. Këtë lajm e ka bërë me dije vetë klubi anglez në një deklaratë në rrjetet sociale.

Ranierit i ka humbur shkëlqimi që pati 6 vite më parë me Leister, ku arriti të kthente të pamundurën në të mundur. Me Uatfordin sigurisht që nuk ishte ky synimi, por të arrinin të mbijetonin këtë vit në Premier Ligë.

Rezultatet e fundit e pozicionojnë Uatford në vendin e 19-të me vetëm 14 pikë të grumbulluara. Duket se klubi anglez nuk ka preferuar të rrezikoj më shumë dhe ka shkarkuar italianin pas vetëm 112 ditësh në drejtim.

Kjo është eksperienca e dytë në tre vitet e fundit për Ranierin në Angli, pas asaj me Fulhem në 2019, e cila gjithashtu përfundoi në dështim, me rrëzimin e klubit nga Premier Liga.

 

Watford Football Club confirms the departure of Head Coach Claudio Ranieri.

The Hornets’ Board recognises Claudio as a man of great integrity and honour, who will always be respected here at Vicarage Road for his efforts in leading the team with dignity.

— Watford Football Club (@WatfordFC) January 24, 2022

PANORAMASPORT.AL

NDIQE LIVE "PANORAMA TV"

---