Miliarderi Bernie Ecclestone është akuzuar për mashtrim pasi nuk ka deklaruar një pasuri me vlerë 470 milionë euro (400 mln paund) jashtë shtetit.

Këtë e ka bërë të ditur kryeprokurori i kurorës britanike, Andrew Penhale i cili u shpreh se ka nisur një procedim penal ndaj ish-pronarit të “Formula 1”.

“Është jashtëzakonisht e rëndësishme që të mos ketë raportime, komente apo ndarje të informacionit në internet që mund të paragjykojë në çfarëdo mënyre këto procedura.” – thotë ndër të tjera Penhale.

Simon York, drejtor i shërbimit të hetimit të mashtrimit të kurorës, tha: “Ne mund të konfirmojmë se një mashtrim me akuza të përfaqësimit të rremë është autorizuar kundër Bernard Ecclestone. Kjo pason një hetim kriminal kompleks dhe mbarëbotëror nga Shërbimi i Hetimit të Mashtrimit të HMRC.

Ecclestone do të paraqitet para gjyqtarëve në Westminster, Londër në orën 10 të mëngjesit të 22 gushtit.

PANORAMASPORT.AL

NDIQE LIVE "PANORAMA TV"

---