“Nuabueze nuk do ta ketë më të lehtë të shënojë”, Cungu: Keqardhje për këtë humbje, lodhja është e madhe…

Panorama Sport | Lajmet e fundit nga bota e sportit

Postuar: Shkurt 16, 2020 | 16:25

FB Kategoria Superiore Laci Lajmi i fundit LAJMI KRYESOR

“Nuabueze nuk do ta ketë më të lehtë të shënojë”, Cungu: Keqardhje për këtë humbje, lodhja është e madhe…

Trajneri i Laçit, Armando Cungu, ka folur për mikrofonin e “Supersport”, pas humbjes së ekipit të tij nga Partizani në shtëpi. Tekniku i kurbinasve ka thënë se ndjen keqardhje për këtë humbje dhe gabimet i fali ekipi i tij.

bandicam 2020-02-16 16-17-25-006

Keqardhje për humbjen e përmbysje? “Ishte ndeshja e tretë brenda javës që pësojmë të njëtën gjë. Shënojmë dhe nuk kalojnë dy minuta dhe pësojmë, është e njëta histori. Partizani shënoi tre gola nga goditje statike. Keqardhja është shumë e madhe, pasi i dhamë mundësi Partizanit”.

Lodhja nga ngjeshja e ndeshjeve? “Lodhja është shumë e madhe, që nga 22 janari janë bërë 8 ndeshje rresht. Ka pasur dhe lojtarë me gjendje gripale. Keqardhja ishte jo e vogël nga mënyra se si pësojmë golat. Ne ia krijojmë vetes problematikat, se sa i kriojnë ata”.

Individualizimi i Nuabuezes? “Të jap të drejtë, jam dakord që kjo ka një ngërç. Futbolli është i tillë që ka momente që je në ditët e tua, por ka momente që je mirë dhe mbyllet porta. Duhet të jetë i qetë dhe nuk duhet të zgjidhë gjërat me nervozizëm. Fokusi i kundërshtarëve është Nuabueze dhe nuk do ta ketë të lehtë të shënojë, kështu që duhet të ndihmojë skuadrën të shkojë te goli. Krijojmë raste, bëjmë lojë, por nuk arrijmë të fitojmë. Ekipi në fazën sulmuese funskionon mirë, në mbrojtje janë problemet”.

Merkato e gabuar? “Fakti që nuk po gjejmë qetësi në fazën difesnive, tregon që ka gabime dhe probleme. Merkato e janarit nuk të ndihmon. Ekipi krijohet në verë. Nga dita e parë që kam ardhur, kam qenë me këmbë në tokë. Kemi marrë rezultate tenistike në disa javë, por kampionati është i gjatë dhe ka lodhje. Ashtu siç ka dhe gjendje gripale apo kartona dhe dëmtime”.

/PANORAMASPORT.AL/




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com