Postuar: Nëntor 7, 2017 | 23:11
Një tjetër futbollist i Skënderbeut ftohet në Kombëtare
Pas Sabjen Lilajt, Ali Souesë dhe Fidan Alitit, një tjetër futbollist i Skënderbeut është ftuar ditën e sotme nga ekipi kombëtar. Bëhet fjalë për mesfushorin Suad Sahiti, i cili do të jetë pjesë e Kosovës për takimin miqësor ndaj Letonisë.
Sahiti do të “zëvendësojë” në një farë mënyrë mungesën e Jashanicës për shkak të dëmtimit, edhe pse luajnë në role të ndryshme.
22-vjeçari ka lindur në Beograd, ndërsa në të kaluarën ka qënë pjesë e Shpresave të Maqedonisë. Vëllai i Suadit, Emir Sahiti, është i grumbulluar me Kombëtaren U-20 të drejtuar nga Alban Bushi.
NDIQE LIVE "PANORAMA TV"