Një basketbolliste në këmbim të “Tregtarit të vdekjes”, Rusia gati të shkëmbejë të burgosurën amerikane

Panorama Sport | Lajmet e fundit nga sporti

Postuar: Korrik 1, 2022 | 12:34

Një basketbolliste në këmbim të “Tregtarit të vdekjes”, Rusia gati të shkëmbejë të burgosurën amerikane

Kremlini duket se është i interesuar për një marrëveshje shkëmbimi të të burgosurve që do të lironte yllin e basketbollit amerikan Brittney Griner në këmbim të lirimit të një tregtari rus të armëve, sipas The New York Times.

Britney-664x450

Zyrtarët rusë kanë bërë presion për lirinë e Viktor Bout për vite me radhë dhe mediat ruse e kanë lidhur drejtpërdrejt rastin e tij me atë të zonjës Griner, raporton gazeta.

Zonja Griner, një olimpike e dyfishtë ari dhe ylli i Phoenix Mercury, u arrestua në një aeroport të Moskës ku dyshohet se mbante disa fishekë vaji kanabisi.

Bout, i njohur si “Tregtari i vdekjes”, po vuan një dënim federal 25-vjeçar për komplot për t’u shitur armë njerëzve që thanë se planifikonin të vrisnin amerikanë.

Bout

Disa media ruse, si agjencia shtetërore e lajmeve Tass, kanë pohuar se bisedimet me Uashingtonin për një shkëmbim të mundshëm tashmë janë duke u zhvilluar, gjë që zyrtarët amerikanë nuk do ta konfirmojnë.

Zonja Griner do të dalë sot në gjykatë për fillimin e gjyqit të saj.

Zyrtarët rusë thonë se gjetën fishekë vape që përmbanin gjurmë vaji hashashi në bagazhin e saj, por qeveria amerikane thotë se ajo ishte “arrestuar gabimisht” .

PANORAMASPORT.AL

 

NDIQE LIVE "PANORAMA TV"