Nga Ujkani te Kaçe, sa shumë “armiq” ka bërë De Biazi!

Panorama Sport | Lajmet e fundit nga sporti

Postuar: Mars 26, 2017 | 15:16

Nga Ujkani te Kaçe, sa shumë “armiq” ka bërë De Biazi!

Dikush ka bërë polemika, të tjerë janë larguar për shkak se nuk kanë pasur hapësira, por me një të përbashkët: nuk kanë respektuar zgjedhjen e trajnerit kuqezi. Në pesë vite drejtim të Kombëtares shqiptare nga Xhani De Biazi, janë jo të paktë lojtarët që kanë pasur mosmarrëveshje dhe për një arsye apo një tjetër nuk janë përfshirë më në skuadër.

De Biazi - Xhaka

Gjithçka nisi nga portieri Samir Ujkani. Ky i fundit luajti titullar ndaj Islandës në humbjen 2-1 në Reikjavik, katër vite më parë, por De Biazi i besoi më pas Etrit Berishës. Nga ky moment, Ujkani zgjodhi të largohej, duke polemizuar me De Biazin. Tashmë portieri është kapiten i Kosovës.

Ujkani

Ndërkohë, një tjetër futbollist që nuk gjeti hapësira në epokën e italianit ishte Kristi Vangjeli. Nga një titullar i padiskutueshëm në mbrojtje, korçari u shpërfill nga De Biazi për shkak të një mosmarrëveshjeje në një prej seancave stërvitore.

Vangjeli

Një çështje që prodhoi polemika ishte edhe ajo e fantazistit Alban Meha. Fillimisht kosovari ishte titullar me De Biazin, por pas lënies në stol, lindi një konflikt dhe trajneri nuk e përtypi faktin që fantazisti i kërkoi llogari për mosaktivizimin. Nuk e grumbulloi më, derisa Meha zgjodhi të largohej te Kosova.

Meha dhe Rama me flamurin kuqezi

E njëjta gjë edhe me mesfushorin Valdet Rama, i cili gjithashtu zgjodhi Kosovën në momentin që De Biazi i mbylli derën.

shala-rrahmani-rashica-470x305-470x305

Disi më ndryshe qëndron çështja e tre lojtarëve të lënë jashtë Europianit, si Herolind Shala, Amir Rrahmani dhe Milot Rashica. Edhe pse ishin në planet e De Biazit për eliminatoret e Botërorit, vendosën të lënë Shqipërinë për Kosovën.

Rebelet

Ndërsa Ergys Kaçe dhe Shkëlzen Gashi janë çështjet e muajve të fundit, me lojtarët që nuk po grumbullohen. Deklaratat e të parit nuk i kanë pëlqyer trajnerit, ndërsa i dyti po shijon suksesin në Amerikë.

NDIQE LIVE "PANORAMA TV"