Nga Koronavirusi tek vdekja e Kobi Brajant, ja disa nga ngjarjet e veçanta dhe që tronditën sportin në 2020-ën
Koronavirusi ka një ndikim shumë të madh në gjithë botën, ashtu si edhe në sport, por kjo është vetëm një nga ngjarjet e shumta që kanë ndodhur në botën e sportit në vitin 2020.
Më poshtë po iu paraqesim disa ngjarjet më të veçanta që ndodhën në këto ditë të vitit 2020:
Në futboll ndodhën shumë gjëra, që para ndërrimit të viteve as që nuk mendoheshin të ndodhnin. Si fillim, transferimi i Martin Brethuait nga Leganesi te Barcelona, një transferim që askush nuk e priste, madje nuk kishte as zëra për këtë transferim.
Dështimi i Barcelonës dhe Real Madridit për të arritur në gjysmëfinale të Kupës së Mbretit, duke ditur që mes 4 skuadrave më të mira është Mirandes, e cila militon në La Liga2.
Kush mund ta mendonte që Liverpuli do të eliminohej kaq shpejt nga Liga e Kampionëve dhe se Markos Jorente do kthehej në hero, duke shënuar dopietë në shtesë.
Një ngjarje tjetër e veçantë është edhe ajo e shkëputjes së Liverpulit në kampionat me 25 pikë diferencë nga Siti, që një sezon më parë u shpall kampion. Dhe në fund arrestimi i Ronaldinjos, i cili tashmë është në burg. Braziliani është burgosur në Paraguai për shkak të një identiteti të rremë që përdori.
Gjithashtu edhe në basketboll ka ngjarje që më parë as që ishin menduar nga ndokush. Padyshim ngjarja që tronditi të gjithë, është vdekja e Kobi Brajant së bashku me vajzën e tij 13-vjeçare. Gjithashtu në helikopterin ku ndërroi jetë legjenda e basketbollit ishin edhe 7 persona të tjerë, të cilët gjithashtu ndërruan jetë. Kjo ishte edhe ngjarja më e madhe që tronditi vetëm basketbollin, por edhe gjithë botën e sportit.
Ngjarje të veçanta ka pasur edhe në sporte të tjera, siç është ajo e Nairo Kuintana në çiklizëm, i cili nuk është në ekipin e Movistar, i cili e rriti dhe e çoi në majë të Giro d’Italia dhe Vuelta a Spana dhe në podiumin e top treshes në Tours de France. Çiklisti kolumbian nënshkroi kontratë me ekipin e Arkea, me të cilin e fitoi etapën e fundit të Paris-Nice, garën e fundit në çiklizëm deri tani.
Askush nuk e kishte parashikuar se Nikolas Portal, drejtori i ekipit INEOS, do të vdiste në moshën 40-vjeçare shkaku i sulmit në zemër.
Por gjëja më e madhe që ndodhi, ishte shpërthimi i Koronavirusit që mbërtheu gjithë botën duke përfshirë këtu edhe sportin, i cili tashmë në shumë vende është pezulluar përkohësisht.
PANORAMASPORT.AL
NDIQE LIVE "PANORAMA TV"