Nga idhulli te goli i preferuar me Interin, rrëfimi special i Lukakut: Levandovski më i miri i momentit, ja çfarë thashë pasi i shënova Milanit

Panorama Sport | Lajmet e fundit nga sporti

Postuar: Shkurt 24, 2021 | 23:45


Nga idhulli te goli i preferuar me Interin, rrëfimi special i Lukakut: Levandovski më i miri i momentit, ja çfarë thashë pasi i shënova Milanit

Intervistë në “Twitter” për Romelu Lukakun, sulmuesin e Interit, i cili është vendosur në gatishmëri të ndjekësve të tij duke iu përgjigjur kurioziteteve dy ditë nga derbi i Milanos i fituar 3-0 kundër Milanit, edhe falë një goli të tij. “Këtu ndodhem në shtëpi”, i ka thënë një tifozi që i kërkonte se kur do të rikthehej në Angli.

lukaku

Cili është objektivi për pjesën finale të sezonit?

Në këto momente, ndeshja e radhës. Përqendrohem vetëm tek e tashmja.

Idhulli me të cilin je rritur?

Drogba.

Cili është momenti më i mirë i përjetuar tek Interi?

Deri tani ka shkuar gjithçka mirë, më mungojnë vetëm tifozët në stadiume.

Një mendim për Rashfordin?

Po përmirësohet vazhdimisht! Më pëlqen ta shikoj kur luan, është me siguri një nga lojtarët me më shumë talent, me të cilët kam luajtur.

Goli i preferuar i shënuar me Interin?

Ai në transfertë kundër Napolit, vitin e kaluar.

Kujtimet më të mira tek Uest Bromuiç Albion?

Debutimi dhe ndeshja ime e fundit.

Filmi i preferuar i animuar?

“Dragonball Z”.

Të pëlqen të jetoni në Itali?

Po, e dashuroj.

E pe derbin e “Merseyside”?

Po, jam i lumtur për Evertonin.

Mbrojtësi më i mirë me të cilin ke luajtur?

Vinsent Kompani.

Çfarë të pëlqen të bësh përtej futbollit?

Të qëndroj me djalin tim, të luaj dhe të shikoj basketbollin.

lukaku

Xhordan apo LeBron Xhejms?

Mos ma bëj këtë. Diferenca mes Premier Ligës dhe Serisë A. Janë kampionate me stile të ndryshme loje, më është dashur pak kohë që të përshtatem.

Përveç Kobit, cili nga lojtarët e tjerë të NBA-së të frymëzon?

Me siguri LeBron Xhejms. Mënyra se si drejton skuadrat e tij dhe se si frymëzon një gjeneratë të tërë është vërtet mahnitëse.

Cili është lojtari më i mirë për momentin?

Levandovski, e adhuroj etikën e tij të punës dhe mënyrën e të luajturit. Një profesionist i vërtetë.

Çfarë the pas golit të 3-0 të shënuar Milanit?

Thashë shumë gjëra për faj të adrenalinës, imagjinoj (qesh).

Një koment mbi raportin me Lautaron…

Komunikimi ka qenë thelbësor. Kemi një raport të mirë me njëri-tjetrin, por mbi të gjitha punojmë për skuadrën.

Lojtari më i mirë brazilian që ke parë të luajë?

Nejmar.

A ke ndonjë peng në karrierën tuaj?

Përdor dështimet si motivim.

Lukaku ad

Si është prekja jote e topit?

(ishte një pyetje me ironi) Më e mirë se e jotja, siç mund të shikosh (u përgjigj Romelu duke bashkëngjitur një “gif” të një stopimi të tij gjatë një Atalanta-Inter)

Çfarë ndjen për Çelsin?

Asnjë tjetër veçse dashuri, më kanë dhënë mundësinë të arrij në Premier Ligë kur isha një djalosh. Nuk mund të kesh gjithçka në jetë, jam dakord. Jam i lumtur që kjo eksperiencë më ka sjellë atje ku jam sot.

Çfarë mendimi ke për Solskjaer?  Kishit një raport të mirë me të përpara se të largoheshit nga Junajtid?

Po punon shumë mirë. Duhet të dini që më pëlqen si trajner dhe si person, nuk i uroj asgjë tjetër veçse të mira.

Cili është lojtari kundër të cilit është më e lehtë të luash në stërvitje?

Stërvitja, në të vërtetë, është një zonë lufte. Trajnerit tonë nuk i pëlqen kur nuk japim maksimumin.

Përgatiti: LEDIO NASE – PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/