Pas një sezoni të vështirë, Paulo Dibala është rikthyer fuqishëm dhe po kalon një formë të jashtëzakonshme.

Sulmuesi i Juventusit dhuron magji në çdo prekje të topit dhe ka qenë vendimtar për kampionët e Italisë. Por, përveç klasit brenda fushës, argjentinasi po shkëlqen edhe jashtë saj.

Dibala vijon romancën me Oriana Sabatinin, ndërkohë që modelja i ka shprehur dashurinë së fundmi nëpërmjet disa vargjeve në rrjetet sociale. “Ka raste kur ke kaq shumë dashuri saqë je gati të shpërthesh. Ja pikërisht kështu jam.

Më bën të ndihem kaq mirë, saqë këto ndjesi janë normale vetëm në ëndrra: nëse kjo është një ëndërr, mos më zgjoni kurrë”, shkruan bukuroshja për yllin e Juventusit.

PANORAMASPORT.AL

NDIQE LIVE "PANORAMA TV"

---