Në negociata me Partizanin, ish-bomberi i Shkëndijës së Tetovës merr vendimin për të ardhmen

Panorama Sport | Lajmet e fundit nga sporti

Postuar: Qershor 9, 2022 | 18:38


Në negociata me Partizanin, ish-bomberi i Shkëndijës së Tetovës merr vendimin për të ardhmen

Besart Ibraimi ka marrë një vendim të papritur për vazhdimin e karrierës së tij. Sulmuesi i cili për shumë vite ishte lideri i padiskutueshëm i sulmit të Shkëndijës së Tetovës, pavarësisht ofertave mjaft të rëndësishme që ka marrë edhe nga Superiorja, ka vendosur që të kthehet të luajë në kampionatin maqedonas.

BESART IBRAIMI 2

Për çudi, ai nuk ka zgjedhur një nga skuadrat që marrin pjesë në Kupat e Europës, por sipas mediave në Maqedoninë e Veriut, do t’i bashkohet skuadrës së Struga Trim & Lum. Një përforcim i bujshëm i cili padyshim që do të rritë shanset e kësaj skuadre për një renditje më prestigjioze në edicionin e ardhshëm dhe do e bëjë konkurrente për një vend në zonën e Europës në kampionatin e Maqedonisë së Veriut.

Ibraimi ka qenë në negociata intensive me Partizanin gjatë javëve të kaluara dhe transferimi i tij ishte një opsion mëse i mundshëm. Por duket se palët nuk kanë gjetur gjuhën e përbashkët dhe ai vendosi të kthehej përsëri në kampionatin e Maqedonisë së Veriut, ku me fanellën e Shkëndijës së Tetovës shënoi 110 gola në 165 ndeshje, duke fituar dy tituj kampion dhe 2 Kupa.

PANORAMASPORT.AL