Postuar: Tetor 7, 2019 | 19:10
Në Gjermani e duan si trajner të kombëtares, Klop gjen pasuesin e tij te Liverpuli
Emri i Jyrgen Klop, po qarkullon periudhën e fundit, për kombëtaren gjermane. Trajneri i Liverpulit, shihet nga Federata e shtetit të tij, si zëvendësuesi ideal i Lëvit, që pas Europianit duket se do të lërë stolin e “pancerave”.
Por, siç raporton “The Sun”, Klop e ka gjetur pasuesin e tij te Liverpuli. Ish-kapiteni Stiven Xherard, mund të jetë ai që do të marrë drejtimin e të kuqve.
Xherard është duke bërë një punë të mirë me Rejnxhersin, në Skoci dhe Klop duket se i beson aftësive të ish-kapitenit legjendar të Liverpulit.
Terreni duket se po bëhet gati për ndryshime të mëdha te Liverpuli, që me Klopin është rikthyer i lavdishëm.
/PANORAMASPORT.AL/
NDIQE LIVE "PANORAMA TV"