Ndryshon axhenda, Lushnja miqësore me Leçen në Itali
Miqësorja e luksit, që verdhejeshilët lushnjarë do të zhvillojnë në Pulia, saktësisht në stadiumin “Via del Mare” të Leçes, nuk do të jetë me Barin, por me skuadrën vendase të Leçes. Lajmi është publikuar edhe në sajtin e klubit verdhekuq, “www.usleçe.it” , në të cilin thuhej:
“Të enjten, në tre gusht, në “Via del Mare” është në program një miqësore ndërkombëtare. Verdhekuqtë do të përballen me KS Lushnja (seria A shqiptare), që do të fillojë në orën 20:30. Ndeshja miqësore është organizuar në bashkëpunim me kompaninë “WW SPORT MANAGEMENT”.
Leçe është një skuadër që luan prej pesë sezonesh, në Lega Pro(kategoria e tretë në Itali) dhe drejtohet nga trajneri Roberto Rizzo. Sot, Leçe nis zyrtarisht sezonin, pasi do të luajë në turin e parë të kupës së Italisë me Çiliverghe Mazzano-n.
AXHENDA – Lushnjarët kanë mbyllur javën e katërt stërvitore duke i vijuar përgatitjet në fushën e stadiumit “Roza Haxhiu”. Sot, skuadra verdhejeshile do të jetë pushim, ndërsa për javën e ardhshme, sipas informacioneve që jep klub lushnjar, skuadra do të stërvitet të hënën dhe të martën sërish në fushën e stadiumit, në ato pjesë të paprekura nga tapeti i vjetër.
Të martën në mbrëmje, skuadra verdhëjeshile do të niset drejt Pulias, ku të enjten në mbrëmje do të luajë miqësoren me Leçen. Deri tani te lushnjarët kanë firmosur 20 futbollistë, ku i fundit ka qenë elbasanasi Gava. Verdhëjeshilët presin dhe firmat e fundit para se të nisin fazën përgatitore në Pogradec.
LOJTARET E GRUMBULLUAR
Portierë
Mikel Spaho
Ibrahim Bejte
Mbrojtës
Endri Magani
Erjon Xhafa
Alban Byzhyti
Franci Bufasi
Eneo Bitri
Ledion Ruço
Mesfushorë
Gentian Çela
Ledjan Taullau
Ergys Alushi
Erlind Koreshi
Klejdis Branica
Arbër Mone
Agim Meto
Orgest Gava.
Sulmues
Mikel Canka
Fatjon Sefa
Brunild Pepa
NDIQE LIVE "PANORAMA TV"