Ndryshim drastik i Shqipërisë, tani nuk di çfarë është barazimi
Shqipëria në këto ndeshje kualifikuese në Botërorin “Katar 2022” nuk e njeh barazimin.
Në nëntë ndeshjet e luajtura në Grupin I kuqezinjtë e trajnerit Edi Reja kanë arritur të marrin 5 fitore dhe 4 humbje, ndërsa kolona e barazimeve për Kombëtaren është zero. Shpresohet që edhe sot zeroja të mbetet në fuqi te barazimet, në mënyrë që kuqezinjtë të ruajnë vendin e tretë në grup, por edhe të sigurojnë një shifër rekord pikësh, 18.
Një ndryshim i dukshëm në krahasim me edicionin e kaluar në Ligën e Kombeve. Aty, Shqipëria barazoi 2 nga 6 ndeshjet e saj, duke u ndalur pa gola nga Kazakistani dhe Lituania. Ndërsa në eliminatoret e Europianit në vitin 2019, Shqipëria barazoi 2-2 pikërisht me Andorrën, me të cilën do të përballet sot.
PANORAMASPORT.AL
NDIQE LIVE "PANORAMA TV"