Ndeshja ndaj Laçit, Brdariç pritet t’u besojë titullarëve që mposhtën Kastriotin

Panorama Sport | Lajmet e fundit nga sporti

Postuar: Nëntor 26, 2021 | 11:44

Ndeshja ndaj Laçit, Brdariç pritet t’u besojë titullarëve që mposhtën Kastriotin

Skuadra shkodrane sot u jep dorën e fundit përgatitjeve për ndeshjen me Laçin, takim i cili do të luhet nesër në orën 19:45 në “Loro Boriçi”.

vllaznia

Seanca e sotme pritet të jetë më shumë e një karakteri tekniko-taktik, ku stafi do të aplikojë skemat që do të përdoren gjatë ndeshjes.

Sa i përket formacionit, mësohet se trajneri Tomas Brdariç e ka thuajse të qartë se me çfarë skeme dhe grupi lojtarësh do ta nisë duelin me Laçin.

Nga ajo që është parë në seancat e kësaj jave, pritet që stafi t’i besojë sërish formacionit që triumfoi ndaj Kastriotit. Në këto kushte, Zogoviç do të jetë nga minuta e parë në portë dhe para tij do të jetë katërshja e mbrojtjes: Gurishta-Adili-Dianhe-Hakaj.

Treshja e mesfushës parashikohet të përbehet nga Krymi, Jonuzi dhe Mustedanagiç. Tredhëmbëshi i sulmit mendohet të formohet nga Aralica në majë dhe Hoxhaj me Latifin në krahë.

PANORAMASPORT.AL

NDIQE LIVE "PANORAMA TV"