Flamurtari do të udhëtojë vetëm gjatë ditës së sotme drejt Shkodrës. Duke qenë se kanë rënë nga kategoria dhe nuk kanë asnjë objektiv për ndeshjen në Shkodër, lojtarët e Flamurtarit do të shkojnë më së shumti për të bërë formalitetin në kryeqendrën e veriut.

Skuadra kuqezi e ka respektuar garën, por ka hasur edhe në gjykime që e kanë penalizuar jo pak, veçanërisht gjatë fazës së katërt. Ekipi e ka zhvilluar seancën e fundit para Vllaznisë paraditen e djeshme.

Sot, pjesa më e madhe e formacionit të kuqezinjve në Shkodër do të dominohet nga vlonjatët. Kryesisht, futbollistët e ardhur nga akademia do të zënë vend në formacion, në një takim ku rezultati nuk ndryshon asgjë në tabelë.

PANORAMASPORT.AL

NDIQE LIVE "PANORAMA TV"

---