Postuar: Nëntor 19, 2018 | 16:16
Ndërhyrja e ashpër e Kavanit ndaj Nejmarit, Mbape tregon mesazhet me brazilianin
Një nga temat më të përfolura në ditët e fundit në futboll ishte ndërhyrja e Edinson Cavanit në Neymarin gjatë miqësores Brazil-Uruguai.
Dyshja më herët kanë pasur marrëdhënie të acaruara dhe ka mjaftuar kjo të flitet për prishje të raporteve mes tyre edhe te skuadra e Paris Saint Germainit.
“Ia dërgova videon Neymarit në WhatsApp, ai qeshi. Nuk është asgjë. Ishte thjesht një ndërhyrje, ata ishin duke luajtur për vendet e tyre dhe kanë bërë gjënë duhur. Ata nuk u kursyen, nëse aty është një top për t’u fituar, duhet të shkosh për atë. Kjo nuk do t’i ndalojë ata të përqafojnë njëri-tjetrin teksa shënojnë gola për PSG-në” – ka thënë Mbape lidhur me këtë rast.
NDIQE LIVE "PANORAMA TV"