Ndarja nga jeta e Arben Fagu, Presidenti Meta: Humbëm një mik të sinqertë, kurse sporti një personalitet të pakrahasueshëm

Panorama Sport | Lajmet e fundit nga sporti

Postuar: Shkurt 5, 2021 | 15:31


Ndarja nga jeta e Arben Fagu, Presidenti Meta: Humbëm një mik të sinqertë, kurse sporti një personalitet të pakrahasueshëm

Presidenti Ilir Meta ka reaguar pas lajmit të trishtë të ndarjes nga jeta të ish-basketbollistit dhe ish-trajnerit të Partizanit, Arben Fagu.

 

fagu

 

 

Presidenti thotë se ndarja e parakohshme nga jeta e Profesor Fagut “është një humbje e madhe dhe e pazëvendësueshme për sportin shqiptar, veçanërisht për basketbollin, që i përkushtoi të gjitha energjitë e tij”.

“Të gjithë ne, të cilët e njohëm nga afër, humbëm një mik të sinqertë, ndërsa sporti një personalitet të pakrahasueshëm”, thekson kreu i shtetit.

POSTIMI I PLOTE

Ndarja e parakoshme nga jeta e Profesor Arben Fagut është një humbje e madhe dhe e pazëvendësueshme për sportin shqiptar, veçanërisht për basketbollin, që i përkushtoi të gjitha energjitë e tij.

Lojtar virtuoz i “Dinamos”, “Partizanit” dhe i Ekipit Kombëtar, i dalluar për shpirtin e garës, forcën e karakterit dhe nivelin e lartë sportiv, Profesor Fagu spikati edhe si trajner i përkushtuar e pasionant, duke merituar vlerësimet dhe duartrokitjet e sportdashësve.

Të gjithë ne, të cilët e njohëm nga afër, humbëm një mik të sinqertë, ndërsa sporti një personalitet të pakrahasueshëm.

Ngushëllimet më të ndjera për familjen e dashur Fagu, kolegët dhe të gjithë nxënësit e tij.
Të prehet në paqen e merituar dhe kujtimi i tij të jetë gjithmonë i paharruar!
Lamtumirë Kampion!

Ilir Meta

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/