“Na kanë bërë me dhimbje koke”, flet Dovedan: Sot treguam një provë karakteri, jam i kënaqur me afrimet e janarit
Bylisi barazoi 1-1 me Kukësin ditën e sotme, në një ndeshje shumë të bukur, ku ballshiotët e gjetën rrugën e rrjetës në fundin e ndeshjes. Pas ndeshjes për mikrofonat e “SuperSport”, Dovedan është shprehur se është shumë i lumtur me atë që ekipi i tij tregoi në fushën e lojës.
Provë karakteri i skuadrës, reagimi pas disavantazhit?
Duhet të falënderoj çunat për ndeshjen sot. Kjo e sotmja është një provë karakteri, pasi kemi luajtur ndaj një ekipi të mirë si Kukësi, kemi pasur 5 raste për shënim në pjesën e parë, por u ndëshkuam në momentin më të mirë.
Afrimet e janarit, iu kanë dhënë një ndihmesë më të madhe?
Jam shumë i kënaqur me afrimet e janarit, na kanë ndihmuar shumë. Një mungesë e madhe ishte ajo e Visentes, për shkak të fatkeqësisë që i ndodhi në familje. Sot kemi qenë në fushë pa 5 lojtarë kryesorë.
Mungesat në ekip?
Normalisht është problem shumë i madh kur nuk ke shumë lojtarë. Sot çdo gjë është ndryshuar. Të bën me dhimbje koke kjo gjendje.
PANORAMASPORT.AL
NDIQE LIVE "PANORAMA TV"