“Myzeqeja do bëjë festë për mua dhe Manajn”, Keidi Bare: Nuk e dija që nuk do luaj ndeshjen e radhës…

Panorama Sport | Lajmet e fundit nga sporti

Postuar: Tetor 14, 2019 | 23:46

“Myzeqeja do bëjë festë për mua dhe Manajn”, Keidi Bare: Nuk e dija që nuk do luaj ndeshjen e radhës…

Mesfushori i Kombëtares, Keidi Bare, që edhe shënoi në fitoren 0-4 ndaj Moldavisë, u shpreh i kënaqur për këtë triumf, por edhe për golin e shënuar nga Manaj.

keidi bare

Ai me shaka u shpreh se Myzeqeja do bëjë festë për golat e fierakut dhe lushnjarit, ndërsa ka besim edhe tek të rinjtë që gjenden në Kombëtare.

Goli i shënuar…

Mirë që nuk e humba(qesh).

Shënove ti, shënoi edhe Manaj. Mund të kishte mbrëmje me të bukur?

Kush e di çfarë feste mund të bëjë Myzeqeja tani(qesh). Jam i kënaqur për veten time, edhe për Manajn. Sidomos për Rein, sepse pas ndeshjes me Turqinë, ka qenë një moment i vështirë për të, edhe pse bëri një ndeshje të madhe. Jam i gëzuar që bëri një gol sot.

Era e re në Kombëtare, me lojtarë të ardhur nga moshat…

Intervistën e parë që kam dhënë, kur kam ardhur te Kombëtarja e madhe, kam thënë se ekipi do ringrihet, dhe do shkojë atje ku e ka vendin, sa më lart. Shpresoj që kemi një ekip të ri tani, nën 25-vjeç lojtarët, dhe kemi një moment të mirë. Të gjithë pothuajse luajmë në ekipet e tyre, dhe kemi një moshë të re të gjithë grupi. Shpresoj të bëjmë edhe në të ardhmen kaq mirë sa sot.

Kartonin e more me qëllim, doje të ishte patjetër ndaj Francës?

A, nuk e dija. Pse, nëse merr dy kartonë nuk luan? Hajde, nuk ka gjë. Nuk e dija. Ka edhe lojtarë të tjerë që mund të luajnë në vendin tim. Ky nuk është problem.

Kujt ia dedikon këtë gol?

Familjes sime, natyrisht. Më mbështesin gjithmonë, dhe atyre ia kam uruar këtë gol.

PANORAMASPORT.AL

NDIQE LIVE "PANORAMA TV"