Muzaka prezantohet te Tirana: Kthehem në shtëpi, jam borxhli ndaj bardhebluve

Panorama Sport | Gazeta me e madhe sportive ne vend

Postuar: Janar 8, 2015 | 7:00

Muzaka prezantohet te Tirana: Kthehem në shtëpi, jam borxhli ndaj bardhebluve

 

muzaka123Një takim jo më i gjatë se 5 minuta mes Gjergj Muzakës dhe Refik Halilit ka mjaftuar për të konkretizuar marrëveshjen. “Rikthim në shtëpi”, kështu e cilëson ai afrimin te Tirana. Mesfushori u prezantua zyrtarisht dje përpara mediave si lojtari më i ri i bardhebluve, minimalisht deri në fund të këtij sezoni. I ka dhënë fund kështu “shtegtimit” dhe kontratën me kryeqytetasit e konsideron morale dhe pa afat. Pas 5 vitesh mungesë, shpreson që këtë sezon të përsërisë suksesin e 2009-s, duke u kurorëzuar kampion me fanellën bardheblu.

Riktheheni në kryeqytet pas 5 vitesh shkëputjeje…
Shtegtimit tim besoj se i erdhi fundi, ka ardhur momenti që unë të kthehem në shtëpi. Dhe jam shumë i lumtur për këtë, pasi menjëherë i gjeta rrugët e hapura. Gjatë kësaj shkëputjeje, ndiej detyrim që të falënderoj ekipet me të cilat kam bashkëpunuar dhe që më kanë qëndruar afër. Por erdhi koha që të kthehem në shtëpi dhe jam i gëzuar që gjeta derën e hapur.
Presidenti Halili tha që jeni borxhli ndaj Tiranës, ju ndiheni i tillë?
Çdo lojtar që ka luajtur te Tirana ndihet borxhli ndaj klubit, për momentet që ka kaluar këtu. Pavarësisht se kush ka fituar e kush jo, e ka ndjerë ngrohtësinë dhe atmosferën që të ofron ky klub. Ndaj, në njëfarë mënyre kur largohesh dhe rikthehesh, ndihesh borxhli.

Për më shumë lexoni versionin print të “Panorama Sport”





www.minuta90.com