Mustedanagiç: Ja si do funskionojnë Kombëtaret e moshave, objektivat tanë janë…

Panorama Sport | Gazeta me e madhe sportive ne vend

Postuar: Janar 25, 2019 | 16:32

Kombetarja Kombetarja U-17 Kombetarja U-19 Kombetarja U-21 Të fundit

Mustedanagiç: Ja si do funskionojnë Kombëtaret e moshave, objektivat tanë janë…

Përfaqësueset e grupmoshave kanë pësuar një revolucion të madh muajt e fundit. Qëllimi i  këtij revolucioni është që të zbulohen sa më shumë talente dhe të luajnë për përfaqësuesen A. Ai që është iniciator dhe që po hedh gurët e parë është Xhemal Mustedanagiç, i cili la mënjanë “fushën” dhe u bë shefi i sektorit të ekipeve kombëtare.

mustedanagic

Ai ka marrë përsipër një detyrë të vështirë, të nxjerrë sa më shumë lojtarë të rinj që do të ndihmojnë Kombëtaren në të ardhmen.

Në një intervistë për “Supersport” ai ka folur gjatë mbi qëllimet dhe strategjitë që do të ndiqen.

“Qëllimi kryesor është të shohim sa më shumë lojtarë që luajnë brenda Shqipërisë, të kenë mundësinë të aktivizohen dhe t’i vëzhgojmë nga pranë. Ekipi B te të gjitha grupmoshat do të ketë lojtarë që luajnë në Shqipëri, do të zhvillojnë ndeshje të forta për t’i testuar. Ekipin B do ta shfrytëzojmë edhe për lojtarë që dëshirojnë të provohen. Do të kemi mundësinë që provat të zhvillohen pikërisht tek ky ekip, duke mos e prekur skuadrën kryesore. Duhet që fillimisht lojtarët të kalojnë nga përfaqësueset B”, është shprehur ai.

Objektivat?

“Ne synojmë që çdo vit të dërgojmë te kombëtarja e Panuëit 3 lojtarë, është shumë mirë sikur të shkojë edhe vetëm një. Unë jam shumë optimist, sepse Shqipëria ka shumë talente dhe potencial. Fëmijët shqiptarë janë shumë të lidhur me fanellën. Duhet pak kohë dhe durim, por besoj se një ditë Shqipëria do të jetë në nivele të larta. Më pëlqen fakti që shumë shqiptarë që aktivizohen jashtë kanë shprehur gatishmërinë të vishen kuqezi. Natyrisht, nga jashtë do të marrim vetëm ata që janë ‘top player’, nëse kanë të njëjtin nivel me ata që luajnë në kampionatin vendas, atëherë do të kenë prioritet futbollistët që aktivizohen në Shqipëri”, ka thënë Musteganadiç.

Cili është plani që do ndiqet?

“Gjithçka do të ndahet në tri faza. E para, duhet të formojmë kultin e kombëtares, jo ëdo njeri mund të luajë me përfaqësuesen. Faza e dytë është të përparojmë dhe të instalojmë rregullat dhe të zhvillojmë në ëdo pikë ekipet kombëtare dhe e treta është faza që unë e quaj atë të përsosmërisë. Në mënyrë të vazhdueshme duhet të zhvillojmë talente për kombëtaren e madhe”, ka thënë ai.

Cili është parashikimi për kualifikueset?

Jam optimist, por U-17 dhe U-19 kanë në grup skuadra të vështira, megjithatë kam besim që mund të shkojmë deri në ‘Elite Round’. Kombëtarja mendoj se do të jetë pjesë e rëndësishme e futbollit europian, dua me zemër që skuadra e Panuëit të shkojë në Europian”,- ka përfunduar Mustedanagiç




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com