Muskuj e fantazi, ja formacioni i Shqipërisë me Pajtim Kasamin
Shqipëria ka një mbrojtje fantastike, duke përfshirë edhe dy portierët Berisha e Strakosha, që të gjithë së bashku bëjnë një “Itali të vogël” në Kombëtare.
Eksperiencë e shtuar, formë fantastike së fundmi me në krye Gjimshitin që ka fituar një rritje të jashtëzakonshëm, prapavija e Shqipërisë është e garantuar edhe për shumë vite me pretendime maksimale. Mirëpo, një nga pikat nevralgjike të Kombëtares mbetet mesfusha, ose ndoshta edhe mungesa e një organizatori. Një mesfushori i aftë me topin në këmbë që të mund t’i sjellë edhe më tepër fantazi Shqipërisë, por edhe më tepër vertikalizime.
Fillimisht, për këtë rol tipik është zgjedhur Nedim Bajrami, talenti i Empolit. Por, duke parë vështirësitë për lejekalimin e tij, Kasami mund të ishte një profil I përshtatshëm për këtë punë. Nëse 28-vjeçari do të merrte lejekalimin nga FIFA, atëherë do të ishte lojtari që i jep mundësinë Rejës të ndryshojë modulin në 3-4-1-2.
Sulmi është një çështje më vete për aspektin pozitiv, pasi zgjedhjet janë me bollëk. Cikalleshi, Manaj, Uzuni dhe Broja garantojnë formë aktuale dhe për vazhdimësinë.
PANORAMASPORT.AL
NDIQE LIVE "PANORAMA TV"