Trajneri Murinjo gjithmonë ka qenë i qartë se çfarë kërkon. Portugezi së fundmi ka shprehur dëshirën se do të dëshironte ta kishte Hazardin në skuadrën e tij. Aktualisht belgu është golashënuesi më i mirë në kampionat dhe ka treguar një formë të jashtëzakonshme me trajnerin Sarri.

Në prag të sfidës së sotme në “Stamford Bridge”, portugezi është shprehur se diferenca për titullin është pikërisht Hazard. “Do të doja ta kisha te Junajtid, por unë mendoj se Çelsi nuk do ta shesë atë te ne sepse udhëhiqet nga njerëz inteligjentë. Historia na tregon se kur Hazard është më i miri i Premier Ligës, Çelsi shpallet kampion, ka ndodhur edhe me mua edhe me Konten. Këtë sezon ai është më i miri deri tani dhe Çelsi është në krye”, ka përfunduar Murinjo.

NDIQE LIVE "PANORAMA TV"

---