Murinjo: Do ju tregoj pse nuk shkova tek Barça, një ditë kur të jem plakur
Tetë CV në klube dhe asnjë prej tyre nuk ka zgjatur më shumë se tre vite. Dhe Zhoze Murinjo ripohon se ai nuk do të dalë në pension te Junajtid, pavarësisht se ka thënë se do të ishte i gatshëm që të qëndronte për 15 vite në “Old Trafford”: “Ajo që mund të them është se jam ende një trajner me shqetësimet, ambiciet dhe dëshirën për të bërë gjëra të reja, kështu që nuk besoj… Jam i sigurt se nuk do ta mbyll karrierën këtu”, tha ai për televizionin francez TF1.
Dhe, kur gazetari e pyet nëse këto fjalë i ka për Mançester Junajtid, portugezi përgjigjet: “Po”. Por, pavarësisht këtyre fjalëve, 54-vjeçari është shumë pranë akordit me “djajtë” edhe për 5 vite të tjera. Ai pritet të rinovojë deri në vitin 2022, kontratë e cila pritet ta bëjë trajnerin më të paguar në botë (72 mln euro në total). Në 2008-ën ai ishte pranë stolit të Barçës, përpara se të ulej Guardiola: “E vërteta duhet thënë. Por janë disa gjëra që unë preferoj t’i mbaj për vete. Ndoshta do ta tregoj një ditë, kur të jem shumë plak”.
NDIQE LIVE "PANORAMA TV"