FSHF kishte dërguar në Vlorë gjashtë arbitra, duke i besuar kryendeshjen e javës së katërt një gjyqtari që ka mbajtur stemën e FIFA-s si Andi Koçi. Në përgjithësi ishte një gjykim i mirë, por pati edhe tri raste të diskutueshme.

Në minutën e 20-të ka një pozicion jashtë loje të Skënderbeut, por pamjet filmike tregojnë se Bregu mbahet në lojë nga Kotobelli. Vlonjati doli i vetëm dhe goditi shtyllën, por anësori Rexha ngriti flamurin për pozicion jashtë loje, duke vepruar gabim. Në minutën e 39-të, Gripshi rrëzohet në zonë pas duelit me Siljanovskin, duke pretenduar penallti.

Koçi e ndëshkon Gripshin me të verdhë për simulim, por pamjet filmike tregojnë se kemi të bëjmë me një rast të dyshimtë. Ndërsa në minutën e 53-të, arbitri fali kapitenin Radas, që bëri një gjest antisportiv ndaj Kotobellit.

NDIQE LIVE "PANORAMA TV"

---