Ndeshje me disa probleme të vogla ajo mes Bylisit dhe Tiranës gjykuar nga gjashtëshja Andi Koçi, Dojando Myftaraj, Rudin Preça, Fatmir Lamaj dhe gjyqtarët e linjës, Blerim Ziri e Orlando Kuka.

Në minutën e 7-të, Kale kërkon një penallti për një shtyrje të Ymeraliajt. Gjyqtari nuk e konsideron faull shtyrjen e lojtarit të Bylisit. Pamjet nuk janë të qarta. Më shumë është për jo. Në minutën e 18-të, Kale ka topin në zotërim, por i ndërhyn Mellugja. Gjyqtari jep faull për Bylisin jo për Tiranën. Mund të qëndronte faulli për Tiranën. Për t’u vlerësuar brenda apo jashtë zone. Në minutën e 30-të, Tirana pretendon për një penallti, pasi topi është ndalur me dorë në zonë nga Mellugja. Pamjet tregojnë se nuk ka prekje të topit me dorë.

Në minutën e 40-të, gabim i anësorit Myftaraj që sinjalizon pozicion jashtë loje në dëm të Bylisit, por Guindo është nisur në pozicion të rregullt. Në minutën e 80-të, Celis kapet në pozicion jashtë loje nga anësori Preca. Pamjet filmike tregojnë se sulmuesi mund të kishte qenë në pozicion të rregullt, pasi e mbante në lojë një nga mbrojtësit e Tiranës.

/PANORAMASPORT.AL/

NDIQE LIVE "PANORAMA TV"

---