Moshat U-19 | Thyhet Partizani, Vllaznia e para
KATEGORIA SUPERIORE, GRUPI A
Internacionali super
Partizani ka zhgënjyer në ndeshjen ndaj Internacionalit, por një meritë të madhe ka skuadra e Armand Damos, që diti të thyente të kuqtë falë dopietës së Pinarit dhe golit të Jovanit në fund. Kjo humbje nuk do të harrohet lehtë nga skuadra e Ylli Shehut, që tashmë e shikon veten në vend të dytë, pasi kreun e Grupit A e ka marrë Vllaznia.
Abdulla Dushku
Ngjiten shkodranët
Vllaznia merr tri pikë ndaj Portos, duke u ngjitur në krye. Takimi në Lezhë ka nisur mjaft i fortë, ku të dyja skuadrat e kërkuan golin, duke krijuar raste në portat respektive. Në minutën e 35-të, vendësit kaluan në avantazh me anë të Danajt nga pika e bardhë e penalltisë. Megjithatë, shkodranët përmbysën gjithçka me Palushanin dhe Milotin.
Preng Gjikola
Shkëlqen Tirana
Pas dorëheqjes së trajnerit Astrit Hafizi, Tirana ka gjetur forca për të fituar me kreun e ri të pankinës, Sokol Bulku. Bardheblutë kanë shkatërruar Akademinë me shifrat 5-1 në një ndeshje spektakolare. Fillimisht kanë qenë vendësit me Bashën që kaluan në avantazh, por përmbysja e bardhebluve ishte e shpejtë, me Topallin që bëri dopietë.
Abdulla Dushku
Ndeshja e penalltive
Skuadra lezhjane e Briansit humbet 2-3 në shtëpi ndaj Kukësit, në një ndeshje ku u akorduan 3 penallti. Ujka shënoi dy herë nga pika e bardhë për vendësit, ndërsa Kashtanjeva ktheu në gol një 11-metërsh për Kukësin. Më pas, Ibishi dhe Halili bënë diferencën për veriorët, duke i dhënë një fitore shumë të rëndë- sishme ekipit të Shehut.
Preng Gjikola
KATEGORIA SUPERIORE, GRUPI B
Ngec Flamurtari
Shkëndija e Durrësit i merr një pikë të artë Flamurtarit kryesues. Djemtë e Kërçovës kanë barazuar në pjesën e dytë pas golit të shënuar fillimisht nga Haruni për vlonjatët. Karepi barazoi shifrat dhe rezultati mbeti deri në fund i pandryshuar. Skuadra e mjeshtërisë sportive tentoi të shënonte edhe golin e fitores, por nuk ia arriti.
Jeton Rexhmati
Përmbysje e Skënderbeut
Derbin Pogradeci-Skënderbeu e fituan korçarët, që pas kësaj jave e shikojnë veten në vendin e dytë. Liqenorët shënuan të parët me E.Sulollarin, por gëzimi zgjati pak, pasi Osmanllari dhe Liço përmbysën gjithçka në pjesën e dytë. Në fund, për të vulosur triumfin mendoi Mara, i cili goditi saktë nga pika e bardhë e penalltisë.
Pëllumb Starova
Blutë thyejnë Teutën
Dinamo e Olsi Ukut ka mposhtur me rezultatin 2-0 ekipin durrsak, falë dopietës së Kelos. Në fraksionin e parë blutë ishin më të qartë dhe Kelo çoi skuadrat në pushim me shifrat 1-0. Ndërsa në 45 minutat e dyta, skuadra dinamovite shfrytëzon lojën konfuze të Teutës, duke shënuar edhe golin e dytë, me të njëjtin autor, pikërisht Kelon.
Abdulla Dushku
Elbasani zhyt Lushnjën
Elbasani ka mundur 1-0 Lushnjën në “Roza Haxhiu”. Protagonisti i fitores së verdhebluve ishte Hanoli. Në fund të pjesës së parë, sulmuesi i verdhebluve goditi traversën. Por pesë minuta para përfundimit, Hanoli, pasi kontrolloi topin në zonë, e “përcolli” me saktësi drejt rrjetës, duke i dhënë fitoren skuadrës së Arjan Kilas.
Alban Alushi
Rama udhëheq AF Dinamon
AF Dinamo ia del në Kavajë, duke fituar me shifrat e pastra 0-2. Miqtë befasuan në start, duke shënuar me Ramën, që ishte heroi i takimit. Blutë përsëri tregohen pragmatistë dhe i njëjti autor dyfishon shifrat pa u mbyllur pjesa e parë. Ndërsa në 45 minutat e dyta, edhe pse Besa bëri përpjekje të gjente golat, AF Dinamo u mbrojt mirë.
Feriz Ferizaj
KATEGORIA E PARË, GRUPI A
Kamza nuk përmbahet
Kamza ka arritur të heqë “qafe” një nga rivalet për luftën e ngjitjes në Superiore, duke fituar 4- 2 ndaj Veleçikut. Koplikasit e nisin në mënyrën më të mirë, duke shënuar që në minutën e 3-të me anë të Emrah Fikajt. Por, shumë shpejt kamzalinjtë kanë përmbysur me një dopietë të Marjo Ademit. Më pas, Asare dhe Mcini vulosën gjithçka për Kamzën.
Abdulla Dushku
Smaçi nderon Olimpikun
Olimpiku ka fituar minimalisht 1-0 ndaj Shkëndijës B., duke forcuar pozitat në vendin e katërt. Smaçi ka qenë heroi i skuadrës së Bozhanit, me golin e shënuar në minutën e 9-të. I njëjti autor mund të kishte dyfishuar, por në minutën e 45-të humbi një 11-metërsh, që u prit me mjeshtëri nga portieri Hida. Kësisoji, mjaftoi një gol.
Abdulla Dushku
KATEGORIA E PARË, GRUPI B
NDIQE LIVE "PANORAMA TV"