Moshat U-19/ Partizani “vetëvrasje” në Shkodër, Shkëndija ia del me penallti e autogola ndaj Tiranës
U luajtën dje takimet e vlefshme për javën e 17-të në Kategorinë Superiore, për moshat U-19. Shkëndija fitoi në transfertë ndaj Tiranës, në një ndeshje që prodhoi plot 5 gola, ndërsa Partizani ra në Shkodër, dube bërë kështu një “vetëvrasje” e duke dorëzuar vendin e parë. Më poshtë, të gjitha takimet për U-19.
Dy penallti, një autogol, një karton të kuq dhe luftë sportive deri në fund. Tirana dhe Shkëndija kanë zhvilluar një ndeshje për t’u mbajtur mend në kompleksin “Skënder Halili”. Në fund fitorja u ka buzëqeshur lojtarëve të shkollës së mjeshtërisë sportive “Loro Boriçi”. Skuadra e Luan Pinarit ka qenë më e qartë në lojë, por nuk ka munguar as tensioni, pasi për 26 minuta Shkëndija luajti me 10 lojtarë. Hadroj u ndëshkua me karton të kuq, por sërish ekipi mik gjeti forca për të administruar ndeshjen. Pjesa e parë, pavarësisht përpjekjeve të të dyja skuadrave, nuk prodhoi gol. Vetëm në minutën e 58-të, Hadroj kaloi në avantazh Shkëndijën. Më pas ishte Murja që barazoi nga pika e bardhë e penalltisë për Tiranën. Nuk kalojnë as tre minuta dhe kemi sërish 11-metërsh, këtë herë për Shkëndijën, që shënon me Dylgjerin. Gjithsesi, në minutën e 76-të autogoli i Malos vulosi fitoren e miqve. Në fund goli i Zenunit për Tiranën nuk e shmangu humbjen e ekipit të Djarmatit. Abdulla Dushku
NDIQE LIVE "PANORAMA TV"