Moshat U-17/ Besa thyhet mes tensionit, përleshen prindërit në Durrës
Pas një ecurie fantastike, Besa ndalet në Durrës, duke humbur pikërisht 2-1 ndaj Teutës. Vendësit zhvilluan një ndeshje mjaft të mirë në shtëpi, duke shënuar fillimisht me Gorën në minutën e 24-t. Kavajasit barazuan në pjesën e dytë me anë të një penalltie të kthyer në gol nga Kaçbufi.
Gjithsesi, gëzimi nuk zgjati shumë, sepse durrsakët përmbysën gjithçka me Çyrbjen, që shënoi një gol spektakolar. Mirëpo, në pjesën e dytë pati një përplasje mes tifozëve, pra prindërve të lojtarëve. Ishte penalltia që u bë shkak, e cila u akordua nga gjyqtari Bylykbashi për Besën.
U desh ndërhyrja e policisë për qetësuar gjakrat, ndërsa dy persona u shoqëruan në komisariat. Edhe pse ishte një ndeshje pa rëndësi të madhe për shkak se ekipet kanë diferencë të madhe në klasifikim, u tensionua për shkak të prindërve të futbollistëve, që kontestuan vazhdimisht vendimet e arbitrit. Loja u ndërpre për disa minuta, por në fushë mes lojtarëve s’pati probleme.
Drilon Xhepollari
NDIQE LIVE "PANORAMA TV"