U luajt në “Tropikal Resort” në Durrës, ndeshja miqësore mes Skënderbeut dhe Besëlidhjes.

Një ndeshje kjo testuese, në mënyrë që të dyja skuadrat të jenë në një formë të mirë, për fazën e dytë të kampionatit dhe për të arritur objektivat e tyre. Ndërkohë për korçarët ka debutuar edhe afrimi më i ri, Eni Imami.

Ndeshja ka nisur menjëherë me gol, teksa Undi Mara ka shënuar që në minutën e parë për korçarët. Megjithatë avantazhi i bardhekuqve nuk zgjati shumë, teksa vetëm dy minuta më vonë Gjorgjeviç barazoi shifrat. Ishte Krasniqi që i dha përsëri avantazhin ekipit të Dajës, teksa realizoi me kokë në minutën e 32’, pas një aksioni shumë të bukur. 

Pollozhani në minutën e 35′, realizoi një autogol, duke bërë që të barazohen shifrat, por ishte përsëri Krasniqi që kaloi në avantazh të tijtë, rezultat me të cilin u mbyll edhe pjesa e parë. Pjesa e dytë nisi me korçarët në sulm, të cilët gjetën rrugën e rrjetës edhje dy herë të tjera.

Fillimisht ishtë Gripshi që shënoi një gol shumë të bukur nga goditja e dënimit në minutën 55′. Vetëm 3 minuta më vonë ishte Elezi, që shndërroi në gol, një 11-metërsh, edhe pas këtij momenti kishte disa raste për shënim, por nuk u konkretizuan, duke e mbyllur ndeshjen në 5-2.

FT| Skënderbeu-Besëlidhja 5-2

Mara1’, Krasniqi 32’, 40′ , Gripshi 55′, Elezi 58’/ Gjorgjeviç 3’, Pollozhani (autogol) 35′

Formacioni zyrtar: Dajsinani, Imami, Dita, Pollozhani, Vangjeli, Ndeki, Taipi, Mara, Gripshi, Bregu, Krasniqi.

PANORAMASPORT.AL

NDIQE LIVE "PANORAMA TV"

---