Merr fund pritja, Latif pajiset me vizë dhe bashkohet me skuadrën
Skuadra e Teutës vijon përgatitjet në Ohër. Pas ndeshjes miqë- sore të fituar kundër ekipit të Strugës, durrsakët do të përballen me kampionët e Shqipërisë, Kukësin. Djemtë e Maganit do të provojnë forcën me ekipin, i cili u shpall kampion sezonin e shkuar.
Kjo ndeshje vjen pas disa sfidave të mira që skuadra e Teutës ka zhvilluar në miqësoret e luajtura më parë. Në këtë përballje, stafi teknik do të ketë të gatshëm të gjithë ekipin, përfshi këtu dhe lojtarët e afruar në ditët e fundit.
LATIF – Ndërkohë që ditën e sotme me ekipin pritet të bashkohet dhe sulmuesi Latif. Ganezi ka mbërritur në Durrës ditën e djeshme rreth orës 20:00 dhe gjatë paradites pritet që t’i bashkohet skuadrës së Maganit. Kujtojmë që sulmuesi ka qenë i grumbulluar dhe në fazën përgatitore që skuadra e Teutës zhvilloi në Itali.
Drejtuesit kanë punuar shumë për afrimin e tij, pas problemeve që Latif ka hasur me marrjen e vizës. Me këtë afrim mund të themi që sulmi i Teutës ka marrë formë dhe do të jetë një ndër sulmet më të problematike duke pasur parasysh të shkuarën dhe eksperiencën e futbollistëve të repartit të avancuar.
Ndryshe nga dy sezonet e fundit ku skuadra durrsake ka vuajtur për një sulmues të mirëfilltë, këtë vit drejtuesit kanë punuar mjaft mirë në këtë repart duke afruar lojtarë me eksperiencë.
Ndërkohë që afrimi i Lenës dhe Tarik i jep më shumë fantazi mesit të fushës, duke llogaritur këtu dhe Dediç, Hilën dhe Dostin. Me afrimin e Moçkës dhe Latif, “djemtë e detit” formojnë një skuadër, e cila, siç janë shprehur dhe drejtuesit, do të jetë pretendente jo vetëm për Kupat e Europës, por dhe për titull.
NDIQE LIVE "PANORAMA TV"