Merkato dhe financat e Tomorit, “topi” tani kalon tek… ekipi
Sinjalizimi që vjen për një fillim të mundshëm të kampionatit javën e ardhshme, e ka shtuar intensitetin e përgatitjeve te Tomori. Klubi pret që skuadra ta nisë me këmbë të mbarë rrugëtimin në Kategorinë e Parë, ndaj është munduar që asgjë të mos u mungojë lojtarëve.
Dhe motivimi dihet që vjen nga paratë dhe, në këtë prizëm, drejtuesit janë munduar që të jenë korrektë me rrogat. Me merkaton e bërë, ambiciet e beratasve janë shtuar ndjeshëm. Ata duan që këtë vit të ngjiten në elitë, ndonëse e dinë që nuk do të jetë një “mision” i lehtë.
E megjithatë, tashmë “topi” ka kaluar në anën e ekipit dhe stafit teknik. Investimi i bashkisë dhe donatorëve duhet të justifikojnë vetëm me rezultatet dhe rrjedhimisht me rikthimin në Kategorinë Superiore.
EDI SPAHIU – PANORAMASPORT.AL
NDIQE LIVE "PANORAMA TV"