Postuar: Tetor 13, 2018 | 20:59
Mema debuton me fitore brenda familjes, e ndjek edhe presidenti Halili
Ardian Mema e ka nisur me fitoren brenda familjes, aventurën e tij si trajner i Tiranës. 24 herë kampionët e Shqipërisë kanë triumfuar përballë 19-vjeçarëve me rezultatin 3-0.
Prezent në miqësoren e sotme për të ndjekur skuadrën ka qenë edhe presidenti Refik Halili, i cili deklaroi në konferencën për shtyp të ditës së djeshme, se do të jetë më pranë skuadrës dhe të gjitha vendimet, qoftë edhe formacioni duhet të marrë miratimin e atij.
Golat për skuadrën e Memës në sfidën e sotme i shënuan Grent Halili, Kobina dhe Ngoo. Trajneri ka provuar të gjithë lojtarët që ka pasur në dispozicion për këtë ndeshje, për të krijuar një ide të qartë për sfidën e të premtes ndaj Flamurtarit.
NDIQE LIVE "PANORAMA TV"