Me Shumakerin më të mirët e Formula 1, Hamilton vendos të ardhmen: Synoj dhe dëshiroj të…
Luis Hamilton mbylli një tjetër edicion fantastik në kampionatin e Formulës 1, duke vendosur disa rekorde të njëpasnjëshme. Me titullin e shtatë kampion të fituar sivjet, piloti i skuderisë Mercedes-Benz barazoi edhe titujt e fituar nga legjenda gjermane Mikael Shumaker. Por tashmë e gjithë vëmendja mbetet te kontrata me “Shigjetën e Argjendtë” e cila ende nuk është rinovuar.
Megjithatë, pas garës së fundit të zhvilluar në Abu Dabi, Hamilton u dha fund zërave për bisedimet e mundshme me Ferrarin dhe e shprehu hapur dëshirën e tij për të vazhduar me skuadrën gjermane: “Synoj dhe dëshiroj që të jem këtu edhe vitin e ardhshëm. Besoj që ne si skuadër kemi ende mundësi që të arrijmë gjëra të mëdha së bashku, në sport dhe jashtë sportit”, deklaroi Hamilton.
Kjo mendohet të jetë vendimtare, me kampionin e botës që do të firmosë kontratën e re që do ta lidhë me Mercedesin.
PANORAMASPORT.AL
NDIQE LIVE "PANORAMA TV"