Më në fund vjen e para për Sadikun, në ndeshjen që Las Palmas shënon… 17 gola

Panorama Sport | Lajmet e fundit nga sporti

Postuar: Tetor 27, 2021 | 12:35


Më në fund vjen e para për Sadikun, në ndeshjen që Las Palmas shënon… 17 gola

Sulmuesi i Kombëtares, Armando Sadiku më në fund ka gjetur golin e parë me fanellën e Las Palmasit.

sadiku

30-vjeçari ka luajtur gjithsej 8 ndeshje në La Liga 2, por golin e ka gjetur në një miqësore që Las Palmas ka luajtur ndaj rivalëve të Firgas.

Rezultatin ka përfunduar në 1-17 në favor të Las Palmasit ku Sadiku ka shënuar 1 gol. Ky ishte një test për të parë gjendjen e lojtarëve, në prag të sfidës me Real Sociedad B këtë të premten.

Sadiku nuk po kalon një moment aspak të mirë në karrierë ku brenda një viti ka ndërruar tre herë skuadër. Gjithsesi, sulmuesi elbasanas mund të ngushëllohet nga fakti që fitoi një shumë të majme ndaj ish-skuadrës së tij në Turqi, Erzurumsporit.

PANORAMASPORT.AL