Trajneri i Juventusit Mauricio Sarri përgëzoi skuadrën pas fitores 4-1 në derbi kundër Torinos.

Tekniku italian deklaroi pas ndeshjes se mbeti i habitur nga përkushtimi i Huan Kuadrados në mbrojtje duke patur parasysh cilësitë e tij si lojtar ofensiv.

Për golin e Ronaldos pas një kohe të gjatë nga goditja e dënimit, Sarri tregoi se portugezi shfryu mllefin duke bërtitur: “Më në fund!”.

“Goli i Ronaldos  – Nuk mendoj se kjo e bezdisi atë, por në fund të ndeshjes ai tha: ‘Më në fund!’.

Dibala – Kam një raport të fortë me Paulon. Jemi të sinqertë me njëri-tjetrin dhe kurrë nuk kam patur dyshime për të. Ishte i pafat sezonin e kaluar. I kam thënë gjithmonë si duhet të stërvitet që të luajë.

Kuadrado – Nuk jam habitur nga cilësitë e Kuadrados, por nga impenjimi i tij i madh në stërvitje për të luajtur në mbrojtje. Ka një nivel përqëndrimi, që është e jashtëzakonshme. Ai është bërë një mbrojtës i mirë, ruan në mënyrën e duhur fizikun dhe teknikën kur sulmon. Krahu ku ai luan është fondamental për ne”, u shpreh Sarri.

PANORAMASPORT.AL

NDIQE LIVE "PANORAMA TV"

---