Janë mbyllur para pak minutash, të gjitha ndeshjet e  fazës së grupeve të Ligës së Europës duke u përcaktuar kështu edhe 24 ekipet që kalojnë në raundin tjetër.

Në grupin A, Sevija u mposht nga Apoeli në transfertë me rezultatin 1-0, por të dyja këto ekipe kanë siguruar biletën për fazën tjetër, duke lënë në shtëpi Karabagun dhe Dudelanzhin.

Në grupin B, kaluan suedezët e Malmos dhe Kopnhagen.

Në grupin C, ka kaluar Bazeli me Getafen, me Krasnodarin dhe Tabzonsporin që duhet ta shikojnë këtë kompeticion nga TV.

Austriakët e Linz, u kualifikuan si të parët në grupin D, së bashku me Sportingun e Lisbonës, duke lënë jashtë holandezët e PSV Eintovenit.

Surpriza është në grupin E, ku Lacio nuk ka shkuar më shumë se vendi i tretë, ndërsa në fazën tjetër kalojnë Sëlltiku dhe Kluzhi.

Shumë i luftuar ishte edhe grupi F, ku kaluan Arsenali dhe Aintraht Frankfurti, të cilët lanë pas Standart Liezhin dhe Guimareshin.

Në Grupin G, Porto dhe Rejxhërs, janë 2 skuadrat që avancojnë më tej, ndërkohë që kampionët e Zvicrës mbeten jashtë me 1 pikë më pak.

Në Grupin H, Espanjoli dhe Ludogorets janë 2 skuadrat e renditura në 2 vendet e para, që kualifikohen për më tej.

 

Në Grupin I nuk kishte shumë histori, pasi Gent dhe Volfsburg e kishin siguruar kualifikimin që më herët!

Surpriza më e madhe e mbrëmjes ishte padyshim eliminimi i kryesuesve në fuqi të Borusia Mynshengladbah, të cilët u renditë në vendin e tretë në Grupin J, pas humbjes ndaj Bashakshehirit.

Në Grupin K, Braga është renditur si kokë grupi, ndërkohë që anglezët e Uolves u pozicionun në vendin e 2-të me 13 pikë.

Për sa i përket Grupit L, Mançester Junajtid, nuk ka falur, duke u renditur në vendin e parë, ndërkohë që AZ Alkmar është skuadra tjetër e kualifikuar.

PANORAMASPORT.AL

NDIQE LIVE "PANORAMA TV"

---