“Mbylla një punë të mirë”, Vanda zbulon të ardhmen e Ikardit: Së shpejti në top nivel
Të shumta kanë qenë dilemat për sa i përket të ardhmes së Mauro Ikardit, i cili këtë sezon u huazua nga Interi te PSG.
Ndërkohë së fundmi, nëpërmjet një postimi në “Instagram”, bashkëshortja e Ikardit, Vanda Nara, e cila është njëkohësisht edhe menaxheria e argjentinasit, është shfaqur tepër e lumtur, teksa ka bërë me dije se ka bërë një punë shumë të mirë dhe pret lajme të mira.
Gjasat janë të mëdha që Mauro të qëndrojë në Paris, teksa klubi francez do të derdhë në arkat e zikaltërve 70 milionë euro për kartonin e Ikardit.
“Kam bërë një punë shumë të mirë, tani pres lajme të mira. Së shpejti në nivel të lartë, au revoir (shihemi më vonë)“, shkruan Vanda Nara në “Instagram”. Fjalët e fundit në gjuhën franceze, shuajnë dilemat dhe tani pritet zyrtarizimi i akordit mes klubeve.
NDIQE LIVE "PANORAMA TV"