“Mauro Ikardi është numri 9 më i mirë që ka futbolli argjentinas”
Bashkëshortja e lojtari Mauro Ikardi, Vanda Nara ka thënë se largimi i Sampaolit ishte i drejtë dhe tani në krye të pankinës duhet të vijë një trajner i cili nuk duhet të ndikohet nga faktorë të jashtëm.
Zgjedhjet e trajnerit Sampaoli nuk ishin të zgjuara dhe këtë e tregoi paraqitja e tyre në Botëror. Ndërkohë ajo ka thurur elozhe për Ikardin duke thënë se nuk ka një pykë më të mirë se ai për Argjentinën.
“Nuk ishte çudi që Mauro nuk u ftua nga Sampaoli, sepse ai e dinte se kishte lojtarë tjerë që e merituan t’i thoshin lamtumirë Kombëtares duke e luajtur Botërorin e fundit. Argjentina luajti dobët. Për t’i ndryshuar gjërat, na duhet një trajner me karakter i cili nuk e lejon veten të ndikohet kur të marrë vendime. Të gjithë duam që Argjentina të bëhet kampione e Botës. I thashë Sampaolit se Mauro është numri 9 më i mirë që futbolli argjentinas ka. Ai është lider dhe kapiten dhe ka personalitet pozitiv”.- ka thënë Vanda Nara.
NDIQE LIVE "PANORAMA TV"