Mançesteri nuk ndalet në merkato, firmos talenti portugez
Diogo Dalot është zyrtarisht pjesë e Mançester Junajtid. Mbrojtësi 19-vjeçar ka firmosur për shifrën 17.4 milionë paund me “djajtë e kuq” dhe është prezantuar nga vetë klubi në faqen zyrtare.
Portugëzi ishte pjesë e Portos, dhe debutoi në kampionat në fillim të vitit. Dalot u pëlqye nga trajneri Murinjo, i cili besoj te kualiteti i 19-vjeçarit, dhe shpreson që në të ardhme ai të bëhet një futbollist i madh.
“T’i bashkohem Mançester Junajtid është një mundësi e pabesueshme për mua. Unë jam rritur në akademinë e Portos dhe i jam mirënjohës për gjithçka që ka bërë për mua.
Por mundësia për të luajtur në një klub kaq të madh nuk mund të refuzohet. Po pres me padurim të stërvitem nën urdhrat e Zhoze Mourinjos dhe të mësoj gjithçka që mundem nga një trajner si ai”, u shpreh mbrojtësi gjatë prezantimit.
NDIQE LIVE "PANORAMA TV"