“MALDINastia”, tre breza nuk janë ekskluzivitet kuqezi

Panorama Sport | Lajmet e fundit nga sporti

Postuar: Qershor 27, 2022 | 22:24


“MALDINastia”, tre breza nuk janë ekskluzivitet kuqezi

Të tre kanë provuar fanellën, triumfin në kampionat dhe golin te Milani. Çezare ngrit Champions-in e parë të Milanit, ndërsa Paolo, i cili mbushi dje 54 vjeç, është një nga shtyllat e Milanit, ndoshta më e forta dhe sigurisht më e suksesshmja e të gjitha kohërave dhe tani po mëson gjithashtu se si ta bëjë këtë nga ana tjetër e tavolinës.

dinastia-maldini-768x432-1-702x432

Danieli ka mprehur dhëmbët në akademinë e të rinjve dhe ka hyrë në futbollin që ka rëndësi. Me pak fjalë, gjaku i mirë nuk gënjen. Një dinasti e vërtetë ajo e Maldinëve, e cila ka qenë e lidhur ngushtë me klubin me të cilin të tre kanë hedhur hapat e parë në futbollin që ka rëndësi. Diçka e rrallë, por Maldinët nuk janë të vetmit.

LEGJENDAT – Në fakt edhe jashtë Italisë ka futbollistë të gjeneratës së tretë, të cilët ashtu si baballarët dhe gjyshërit e tyre kanë veshur edhe fanellat e kombëtareve të tyre, por disa kanë luajtur në Serinë A.

Një shembull i famshëm është ai i Markos Alonsos. Ish-spanjolli i Fiorentinës është nipi i Markos Alonso Imaz, i njohur si Markitos, pjesë e Realit të Madridit të aftë për të fituar pesë Champions. Babai i tij, Markos Alonso Penja, gjithashtu luajti për Realin, por ai bëri kalimin në bregun tjetër të lumit Manzanarre, duke veshur fanellën e Atletikosco. Dhe, më e bukura, është se të tre luajtën me kombëtaren në 63 vite diferencë.

DJALI I PRESIDENTIT – La Bruzha, la Bruzhita dhe… kushedi se në këtë pikë mbarojnë shkurtimet. Huan Ramon, Huan Sebastian dhe së fundmi Deian Veron, të gjithë të lidhur nga gjaku dhe Estudiantesit. Djali i ish-mesfushorit të Sampdorias, Parmës, Lacios dhe Interit ka debutuar me klubin bardhekuq, për kënaqësinë e gjyshit dhe babait të tij (i cili është edhe president).

IKONAT URUGUAIANE – Përvoja e Diego Forlanit në Serinë A nuk ishte e paharrueshme, por uruguaiani është ende një mit i futbollit të Amerikës së Jugut, si dhe gjithë familjen e tij.

Ish-interisti në fakt është nipi i Huan Karlos Korracoss, i cili jo vetëm e ka veshur fanellën e Uruguait, por edhe e ka trajnuar katër herë. Në njërin prej të cilëve, në skuadër ishte edhe Pablo, babai i ish-sulmuesit të Mançester Junajtidit dhe Atletikos së Madridit. Edhe këtu një dinasti e vërtetë, me një lojtar që ka kaluar nëpër Itali.

EMRA DHE MBIEMRA – Dhe në këtë pikë është pothuajse e sigurt që Italia do të tërheqë futbollistë të gjeneratës së tretë. Do të mjaftonte të mendonim për Vladimir Vais, i cili luajti me fanellën e Pescaras në Gadishullin Apenin. Sllovaku është djali i Vladimir Vaisit, i cili ishte futbollist i kombëtares sllovake dhe gjithashtu arriti ta drejtojë atë. Ai gjithashtu është djali i një Vladimir Vaisi, i cili mund të dallohet nga djali dhe nipi, sepse në kohën e tij kishte vetëm një kombëtare. Ajo e… Çekosllovakisë.

MEKSIKANËT – Në Itali nuk është parë ende, por kurrë nuk duhet thënë kurrë. Dhe Çiçarito Hernandez do të përshtatej shumë mirë, vetëm sepse edhe ai është një futbollist i gjeneratës së tretë.

Sulmuesi meksikan është djali i Havier Hernandezit, i njohur si El Çiçaro, i cili ka veshur fanellën e kombëtares 28 herë. Dhe themeluesi i dinastisë, Tomas Balkazar, e kaloi gjithë karrierën e tij në Guadalajara. Pikërisht skuadra ku Çiçarito, aktualisht te Sevija, i dha shkelmimet e para një sfere.

PANORAMASPORT.AL