Magani: Nuk dua të gëzohem pa u kualifikuar, janë dhe 90 minuta
Pas fitores që arriti me rezultatin 1-0 për ndeshjen e parë çerekfinale ndaj Kukësit, trajneri i Teutës, Gugash Magani, vlerësoi paraqitjen e skuadrës duke thënë se pozitive në këtë takim ishte fakti që nuk pësuan gol.
Trajneri i durrsakëve tha se skuadra e tij u mbrojt mirë dhe ndeshja që do të përcaktojë edhe fatin e kualifikimit do të jetë ajo që do të luhet pas dy javësh.
“Kupa ka elementë të tjerë, sepse është 180 minuta nuk dua të gëzohem pa u kualifikuar. E rëndësishme është që nuk pësuam, pasi janë dhe 90 minuta të tjera.
E rëndësishme është që të përmirësohemi, sepse në momentin që ekipi na vuri në presion, u prishën ekuilibrat. Megjithatë u mbrojtëm mirë dhe tani nuk duhet të gëzohemi dhe të jemi të kujdesshëm me ndeshjen pas dy javësh”,-tha Magani për “Supersport”.
NDIQE LIVE "PANORAMA TV"