Luis Hemilton triumfon në Hungari dhe bëhet lider i Botërorit
Luis Hemilton siguroi fitoren e tij të pestë në Çmimin e Madh të Hungarisë, duke arritur njëkohësisht që për herë të parë në këtë sezon, të merrte edhe kryesimin e Botërorit të Formula 1. I dyti në vijën e nisjes pas shokut të tij të skuadrës, Niko Rosberg, ai u tregua shumë i shpejtë në start për të marrë kryesimin në kthesën e parë e për ta kontrolluar garën nga ai moment, e deri në fundin e saj.
Fitorja e tij e 5 në 6 garat e fundit ka bërë që një deficit prej 43 pikësh të kthehet në një kryesim prej 6 pikësh ndaj rivalit të tij kryesor, Niko Rosberg. Ky i fundit u desh të kënaqej me vendin e dytë, 1,9 sekonda pas britanikut, ndërsa Daniel Riçiardo i rezistoi sulmeve të Sebastian Fetel në xhirot e fundit për të plotësuar podiumin.
Shoku i tij i skuadrës te Red Bull, Maks Verstapen, bëri të njëjtën gjë me Ferrarin tjetër të Kimi Raikonen, duke marrë vendin e pestë në pistën hungareze, në të cilën është shumë e vështirë të parakalohet. Zonën e pikëve e plotësuan Fernando Alonso (7), Karlos Sainz (8), Valteri Botas (9) dhe Niko Hulkenberg (10).
Botërori për pilotë
192 Luis Hemilton
186 Niko Rosberg
115 Daniel Riçiardo
114 Kimi Raikonen
110 Sebastian Fetel
100 Maks Verstapen
56 Valteri Botas
47 Serxhio Perez
38 Felipe Masa
30 Karlos Sainz
Botërori për konstruktorë
378 Mercedes
224 Ferrari
223 Red Bull
94 Uilliams
74 Force India
45 Toro Roso
38 MekLaren
28 Has
6 Reno
1 Manor
NDIQE LIVE "PANORAMA TV"