Lojtari i Barcelonës del hapur: Dua të luaj me Kristiano Ronaldon

Panorama Sport | Lajmet e fundit nga bota e sportit

Postuar: Shkurt 14, 2020 | 23:34


Lojtari i Barcelonës del hapur: Dua të luaj me Kristiano Ronaldon

Ivan Rakitiç është objekt dëshire për shumë klube të mëdha të Europës, mes të cilave edhe i Interit e Juventusit. 

Rakitic.Barcellona.braccio.alto.2019.750x450

Të dyja këto klube, që sivjet po rivalizojnë edhe për titullin kampion, kanë nisur të plugojnë tokën për të kuptuar diçka më shumë mbi mundësinë për të arritur te mesfushori kroat i Barcelonës, por ky i fundit edhe pse qëndroi pa shumë dëshirë në Katalunjë, gjatë merkatos së janarit, duket se e ka bërë më shumë se gjysmë hapi, mbi destinacionin që pretendon për sezonin e ardhshëm.

Në një intervistë të djeshme të dhënë për madrilenen “AS” dhe i pyetur nëse do i pëlqente edhe përkrah Kristiano Ronaldos, pas aventurës me Lionel Mesin, Rakitiç e thotë troç: “Sigurisht që do të më pëlqente të luaja me të. Do isha i lumtur madje. Personalisht jam dëfryer shumë duke u ndeshur si kundërshtar me të dhe ndjesia që më ka lënë në fushë është se Kristiano është pa dyshim një ndër më të fortët e historisë së futbollit”.

/PANORAMASPORT.AL/




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com