Juventusi ndoshta do t’i thotë lamtumirë ganezit Azamoah në fund të sezonit. Mbrojtës-mesfushori i majtë, në skadencë kontrate me klubin bardhezi, mund të ishte larguar që në janar, pas mësymjes së skuadrave turke në drejtim të tij, por menaxheri i futbollistit duket se ka bindur klientin e tij që të vazhdojë të qëndrojë në Serinë A.

Fundja, në Itali, admiruesit për Azamoahn nuk mungojnë dhe dy skuadrat milaneze kanë nisur që të bëjnë sondazhe për të. Menaxheri i ganezit është parë në Milano në ditët e fundit, teksa brenda 24 orëve ka pasur takime me drejtuesit e Interit dhe ata të Milanit, duke i ofruar juventinin 29-vjeçar.

NDIQE LIVE "PANORAMA TV"

---