LLOGARITË/ Liga e Kampioneve, ja si kualifikohen 8 skuadrat e tjera në fazën e 1/8-ave
Tetë skuadra kanë siguruar kualifikimin për në raundin e ardhshëm të Ligës së Kampioneve, ndërsa në javën e fundit priten edhe 8 të tjera për të plotësuar 16 ekipet më të mira të kontinentit. UEFA ka bërë llogaritë për çdo grup në bazë të rregullores së kualifikimit.
TË KUALIFIKUARA – Skuadrat që deri tani kanë siguruar biletën për në fazën e 1/8-ave janë Barcelona*, Bajerni*, Juventusi*, Lajpcigu, Mançester Siti*, PSG-ja*, Reali i Madridit dhe Totenhemi. Skuadrat që janë me yll janë kualifikuar si të parat e grupeve përkatëse.
PA SHANSE – Disa ekipe të tjera e kanë mësuar fatin e tyre që nuk kanë asnjë shans për të vazhduar mes 2 më të mirave të grupit. Ato janë: Benfika, Klub Bryzhi, Crvena Zvezda, Gallatasaraji, Genk*, Lokomotiva e Moskës*, Lila, Olimpiakos, Slavia e Pragës. Edhe këto skuadra kanë një tjetër ndarje, pasi ato me yll nuk kanë asnjë shans për ta mbyllur në vendin e tretë dhe për të siguruar kualifikimin në Ligën e Europës.
Grupi E: Salcburg 7 pikë, Liverpul 10, Napoli 9, Genk 1.
* Liverpuli do të kualifikohet në fazën tjetër nëse do të barazojë ose Napoli do të humbasë kundër Genkut.
* Napoli do të kualifikohet nëse barazon ose nëse Salcburgu nuk e mund dot Liverpulin.
* Salcburgu do të sigurojë kualifikimin nëse mund Liverpulin dhe Napoli nuk e mund dot Genkun; nëse Napoli fiton, por Salcburgu e mund Liverpulin me një rezultat më të mirë sesa 4-3, me të cilin humbën në javën e dytë.
* Genku do të përfundojë në vendin e katërt. Grupi F: Inter 7, Barcelona 11, Dortmundi 7, Slavia 2.
* Barcelona është e kualifikuar si fituese e grupit F.
* Interi do të kualifikohet në fazën e ardhshme nëse e mund Barcelonën ose e mbyll me pikë të barabarta me Dortmundin. Në këtë rast, zikaltrit janë të avantazhuar për shkak të sfidës direkte, e cila vendoset nga golat në favor të zikaltërve.
* Dortmundi do të kualifikohet nëse grumbullon më shumë pikë sesa Interi.
* Slavia e Pragës do ta mbyllë këtë edicion në vendin e katërt. Grupi G: Lion 7, Lajpcig 10, Benfika 4, Zenit 7
* Lajpcigu është i kualifikuar për në fazën e 1/8-ave, por me një barazim mund të sigurojë edhe vendin e parë.
* Zeniti do të kualifikohet në rast se mund Benfikën dhe Lioni nuk e mund dot Lajpcigun ose të dyja ndeshjet barazohen dhe përfiton nga përballja direkte.
* Lioni mund të presë biletën nëse mund Lajpcigun ose nëse barazon dhe Zeniti humbet me Benfikën.
* Benfika e ka të pamundur që ta mbyllë grupin në 2 vendet e para. Portugezët mund të renditen në vendin e tretë nëse mundin Zenitin me një rezultat më të mirë sesa 3-1 dhe Lioni nuk humbet. Mund të kualifikohen edhe nëse fitojnë me çdo rezultat dhe Lioni humbet me Lajpcigun. Grupi H: Ajaks 10, Valencia 8, Çelsi 8, Lilë 1
* Ajaksi do të kualifikohet nëse barazon ose nëse Çelsi dështon të mundë Lilën.
* Valencia do të presë biletën nëse mund Ajaksin ose nëse e mbyll me pikë të barabarta me Çelsin dhe ia del për shkak të ndeshjeve direkte.
* Çelsi do të kualifikohet nëse mund Lilën ose nëse barazon dhe Valencia humbet me Ajaksin.
* Lila do ta mbyllë në vendin e katërt. Grupi A: PSG 13, Gallatasaraj 2, Bryzh 3, Real Madrid 8
* Parisi është kualifikuar si vendi i parë.
* Reali i Madridit ka siguruar kualifikimin.
* Klub Bryzh nuk mund të kualifikohet, por mund të dalë në vendin e tretë nëse mund Realin ose Gallatasaraji dështon të mundë Parisin.
* Gallatasaraji mund të konfirmohet në vendin e fundit nëse humbet me PSG-në. Grupi B: Bajern 15, Totenhem 10, Olimpiakos 1, Crvena Zvezda 3
* Bajerni ka siguruar kualifikimin si skuadra fituese e grupit.
* Totenhemi gjithashtu është kualifikuar.
* Crvena Zvezda mund të dalë në vendin e tretë nëse shmang humbjen me Olimpiakosin.
* Olimpiakosi mund të dalë në vendin e tretë nëse mund Crvena Zvezdën. Grupi C: Dinamo 5, Man. Siti 11, Shahtjor 6, Atalanta 4 *
Mançester Siti është kualifikuar si kokë grupi.
* Shahtjori do të kualifikohet nëse mund Atalantën ose nëse barazon dhe Dinamoja e Zagrebit nuk fiton.
* Dinamoja do të kualifikohet nëse mund Sitin dhe Shahtjori nuk mund dot Atalantën.
* Atalanta do të kualifikohet nëse mund Shahtjorin dhe Dinamo nuk e mund dot Sitin. Grupi D: Leverkusen 6, Juventus 13, Atl. Madrid 7, Lokomotiv 3
* Juventusi është kualifikuar si e para e grupit.
* Atletiko do t’ia dalë nëse mund Lokomotivën ose Leveruseni dështon të mundë Juventusin.
* Leverkuseni do të kualifikohet nëse mund Juventusin dhe Atletiko nuk e mund dot Lokomotivën.
* Lokomotiva do ta mbyllë në vendin e katërt
PANORAMASPORT.AL
NDIQE LIVE "PANORAMA TV"