Liverpul e Sevija ‘fluturojnë’ në finale, ikin Vijareal e Shakhtar (VIDEO)
UPDATE/ Liverpul-Sevija janë dy skuadrat finaliste të Ligës së Europës. Djemtë e Klopit triumfuan 3-0 ndaj Vijarealit në takimin e kthimit të vlefshëm për gjysmëfinalen e Europa League.
Fillimisht, Bruno Soriano shënoi një autogol duke i dhënë avantazhin Liverpulit në minutën e shatë të pjesës së parë. Vendasit dominuan lojën edhe në pjesën e dytë duke barazuar shifrat në minutën e 63′ me anë të Daniel Sturixh.
Vijareal luajti me 10 lojtarë që nga minuta e 71′ e ndeshjes, pas daljes me karton të kuq të Viktor Ruiz. Goli final për Liverpulin u realizua nga Adam Lallana në minutën e 81′.
Liverpuli duket se e pati të lehtë përmbysjen e disavantazhit të një goli të shënuar në ndeshjen e parë në Spanjë dhe do të përballen me Sevijën në finale.
Takimi i tjetër mes Sevijës dhe Shakhtarit përfundoi në shifrat 3-1. Spanjollët u kualifikuan për në finaln e Europa League, paçka se takimi i parë ndaj djemve të Luçeskut u mbyll në barazim 2-2 në Ukrahinë.
REZULTATET PERFUNDIMTARE:
Liverpul – Vijareal 3 – 0
Bruno Soriano 07’ (autogol),Sturridge 63, Lallana 81′
Sevija – Shaktar 3 – 1
Kevin Gameiro 09’, 47′, Mariano 59’/ Eduardo 44′