Liga Profesioniste i kalon “topin” qeverisë: Paraqitëm idetë dhe rrugëzgjidhjet, Fidel Yllit i kemi dërguar…

Panorama Sport | Lajmet e fundit nga bota e sportit

Postuar: Shtator 25, 2020 | 14:40


Liga Profesioniste i kalon “topin” qeverisë: Paraqitëm idetë dhe rrugëzgjidhjet, Fidel Yllit i kemi dërguar…

Liga Profesioniste nëpërmjet një njoftimi për shtyp, bën me dije se i kanë dërguar deputetit të PS, Fidel Ylli, i cili është zgjedhur nga qeveria si negociator për 4 kërkesat e klubeve të Superiores, “një informacion të plotë në mbështetje të kërkesave që Liga i ka drejtuar kryeministrit Rama në letrën e datës 10 gusht 2020”.

liga

Në njoftimin e Ligës thuhet se materiali është përgatitur nga një grup ekspertësh dhe fokusohet kryesisht te ligji i sponsorizimeve, si një akt ligjor i domosdoshëm për zhvillimin e sportit në Shqipëri.

Njoftimi i Ligës:

“Liga Profesioniste e Futbollit bën me dije se në vijim të takimit të datës 21 Shtator 2020 i ka përcjellë ditën e djeshme zotit Fidel Ylli një informacion të plotë në mbështetje të kërkesave që Liga i ka drejtuar Kryeministrit Rama në letrën e datës 10 Gusht 2020.

Materiali i përgatitur nga një grup ekspertësh fokusohet kryesisht tek ligji për sponsorizimet, si një akt ligjor i domosdshëm për zhvillimin e sportit në Shqipëri, mbi bazën e standarteve dhe praktikave europiane.

Propozimet e paraqitura nga Liga në këtë dokument mbështesin qartësisht idetë dhe rrugëzgjidhjet për një hop cilësor në drejtim të administrimit, formalizimit dhe fuqizimit të sporteve në tërësi, jo vetëm të futbollit.

Ne do të mbajmë të informuar në mënyrë të vazhdueshme publikun mbi zhvillimet e mëtejshme të këtij procesi.”

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com